澳門, 曾經是少年、青年時期留下無數回憶的地方, 有甜蜜的, 也有苦澀的, 不過中年後, 少去了, 尤其是海漂後!
好久, 好久沒有到訪濠江了, 這次無論如何要到此一遊, 幸得表弟安排, 二日一夜, 過的一個愉快歡悅的中秋追月!
澳門路環是老鬼最喜歡, 也是去的最多地方, 天主堂已被粉刷一新, 𡍼上耀目的檸檬黃色, 有著南歐的色彩!
兩旁的大排檔已被安排安置, 整齊多了, 本想再去左手面的葡國菜檔再嚐記憶中美食,(記得幾十年前的檔主叫做亞九。) 表弟則想試一下右手面的粵式小炒,,,,,,,,,,(錯了!)
此堤岸以前沒有這麼整齊, 對岸的橫琴想當年, 荒荒涼涼的農地, 如今,看看那些美侖美奐的漂亮高級大厦!
風力發電原來在國內已經發展起來了!香港呢?
路環碼頭, 以前是從澳門街乘渡輪來路環的, 如今碼頭尚在, 渡輪已消失!
路環天后古廟, 已有一百五十年了(1862至今), 到訪之日, 只有我們, 香火不盛!
廟內打掃整然
廟中甚多文物, 值得好好保存
路環舊警署, 建築物依然!
警署對面就是近十幾廿年風行香港一時的葡式蛋塔發源地, 老表買了幾個嚐嚐,,,,又是個句~~失望!
再見了, 天主堂, 不知何時再能見祂了!
在澳門街,往訪故人, 幸運地找著了,老友今時今日家財萬千(億萬)貫了, 都是地產得來的, 可是郤是淡然, 弊衣簞食依然, 對老鬼熱情如故, 飲茶灌水及陪遊, 令老鬼感動不已, 老友是信佛的, 以身傳教也!
據他說來, 澳門特區政府對市民十分慷慨, 就是他, 每年政府補貼六萬多, 持澳門耆老八達通, 每程公交車只需三角!
有早知, 無乞兒, 七十年代末, 有澳門街老友叫老鬼取澳門身份証, 他可替我辦妥, 當年怎想到有今天, 竟嗤之以鼻, 如今聽老友述及澳門政府之福利如此的好, 真的想去南灣跳澳門海了!
看到澳門處處基建, 路人皆歡悅, 想起香江, 五十八條海豚已把香江封死,唉!
表弟晚上帶我到十幾號碼頭那裡的橫街窄巷小檔㰙食豬骨粥, 嘩!至今尚有餘鮮!
旁邊糖水檔的芝麻糊,清香撲鼻, 幼滑清甜, 澳門遊得一完美記憶!
13 則留言:
安兄輯相好靚 , 換左新機?
橫琴原來這麼近, 聽說那邊有澳門大學, 唔知有冇記錯.
澳門人少, HK人多, 另外那邊賭業好旺, 無得比.
不過那邊政府肯[還富於民] 倒是真的. 我曾經看在網上看過他們的[政府屋] , 建設得不錯呢.................................
老友話我知, 申請公屋唔使問入息,原因有錢嘅人自會走去威威咁買私人樓,不屑同啲"低下"嘅人住埋一齊,咁!唔使審查咁麻煩,有心想住公屋嘅自投羅網,願意俾人睇低,但係袋住啲錢就好好使!咔咔,,無為而治,,,幾鬼好嘢!
退咗休,邊有咁多多餘錢,索尼三年幾前,小儍瓜機而已!四百多"瘋孽"紙!London Drug買嘅!
Liu Roger: 我在去年12月初曾到澳門, 去過仍未完全落成的澳門大學新校舍, 聽講今年9月才正式使用。以下網誌內的尾二和尾三就是澳門大學新校舍的一角。澳門大學前身是澳門東亞大學(希望我冇記錯)。
http://usweiwei.blogspot.com/2014/02/blog-post_433.html
謝謝wei-wei . 去看過了.
去年妳回故鄉一遊的細節都未及細看.
在網上查一下, 發覺澳門可發展的地方還是很多的. 當地政府肯花錢在教育上是對的.
只是部份人士也是[ 身在福中不知福] , 學了鄰居的榜樣 , 令人有點擔憂.
我提及的[政府屋] 在石排灣, 是新社區 , 聽說會是 5 :2 的社區安排 ( 5是政府屋 , 2 是私人樓) , 政策是對的. 這樣就不會做成社會分裂 , 形成 ghetto 的現象................
晚安並再次謝謝資料.
[[....無為而治....]]
那需要極高的社會道德和人民質素.
正如[共產主義] 和[天下為公] 的精神 : 如果大家都遵守一定的遊戲規則, 其實那也是一個[ 美好新世界]
可是沒有人會嫌錢多, 有著數而不貪的.
有錢人, [[....不屑同啲"低下"嘅人住埋一齊......]]
用來開下玩笑是可以的.
這種[理論] 和[想法] , 真是 [ 搵鬼都唔信].
申請到公屋之後的用途多著呢.........................
何必一定要[畫公仔.....].
有心做研究的, 好好的看一下故鄉 , 甚至[全世界]的公屋是否 [ 物盡其用]
就會[ 心知肚明].
安哥冇買錯 ! 這部機不傻.
雖然對那國家有點意見 , 但是人家的職業道德同創新精神卻是可敬的.
澳門大學前身是澳門東亞大學,對的,曾經想棄職去讀,不過最後都係搵食緊要,(當時想法,係人有我冇,死人都要搵返個學位,但係自己又唔夠料,諗住人地新開,鬆手啲,撞下彩)
老哥做乜又換牆紙? 仲以為入錯屋添.......................
回憶返初結婚時住劏房嘅感受嗎!
由細都係住劏房大,不過家陣果啲讀過幾年傳播傳理系嘅記者仔,記者妹,編輯仔,好似食咗大麻咁,大驚小怪,佢地嘅父母可能個個都係富二代,官二代,如果唔係,梗係全部失憶,冇同啲仔女講下"講應"時代嘅"是實"咯!
不能忘記,不應忘記,我的墻紙,,,,其實細個時,係用舊報紙嘅!
懷舊呀嗎! 諗起初結婚時係住人地劏房,貼墻紙,回味下吧!
嘩，安哥好羅曼蒂克呀！
思苦憶甜，這才可保持恩愛。
老來三寶：老伴不可少。
抱歉遲來的分享。澳門雖然近在咫尺，可是個人幾十年來只係去過兩次，即是兩日。
兩日都是一天遊，走馬看花而已。沒有去路環，沒有去氹仔。將來或會去看看見識。
安兄的照片很好看。或會再來看的。
發佈留言