番薯帶起的食的回憶

講起番薯, 帶來的回憶!






又是講故仔, 六七十年代香港, 已經有"美團",不論工廠或中環寫字樓(辦公室),不論労工或白領, 中午時的填肚, 除了外出找食肆外, 有一種"美團"的服務, 當年香港人叫做包伙食, 好處是食品方面較似住家菜, 油並沒有那麼多, 另外, 比外出餐館便宜, 還有, 月結!

不過, 缺點是"萬年菜單",雖然每天好像不同, 但是實制上跟初一,十五無分別!

隨著香港經濟發展及衛生條例, 已淘汰了, 今天還有比較現代化的送餐服務, 但風味及實制已經不一樣!

當年送包伙食的人,用頭頂著一個一米乘六七十公分的木盤子, 上面裝滿難以想像一堆堆用白布(其實已是変黃了)包起三盤或四盤菜, 手中又拿一罐罐飯, 行走飛快穿過大街小巷上下樓房, 有如大俠!


講起送外賣, 往昔大排檔送外賣, 尤其粉麵, 檔主把粉或麵煮好放在碗中, 不會放湯的, 把一碗碗粉麵裝入一銅(後來改用不鏽鋼), 多層匣子, 然後拿一大銅煲, 裝上上湯, 到達叫外賣的客人家, 才把銅煲中的上湯逐碗倒上。

主要是不要在途中把粉麵弄"淋"同埋冷卻。

講開又講, 今時今日好多麵店高調宣傳他們的麵是竹昇打的, 可是, 食來食去,都無法食到當年味道, 諗來諗去, 一定有的東西欠缺了, 近日, 因疫情困在家中, 忽然走去吸返香烟, 醒起當年的打麵師傅, 大多一面開工, 一面吸煙, 擔住口煙, 煙灰當然會跌落食材, 啊哈! 咁, 味道梗係唔同咯!

當年打魚蛋, 好似冇有的人咁講, 用冰噃! 因為, 日日對住大排檔老細開工, 不過七十年代後就唔知咯!